Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 93 Hüküm no: 32 Orijinal metin no: [7a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hoca Ahmed Efendi’nin vefâtıyla boşalan evin tasarrufunun İsmail Efendi b. Veliyüddin’e verildiği Mahmiye-i İstanbul’da Âşıkpaşa Mahallesi’nde ashâb-ı hayrâtdan ( ) nâm kimesnenin süknâsını ulemâya şart eylediği bir tarafdan Ömer Efendi menzili ve bir tarafdan Duhânî ( ) menzili ve bir tarafdan ( ) ve bir tarafdan tarîk-i hâs ile mahdûd vakıf menzile tevcîh-i hâkimü’ş-şer‘le mutasarrıf olan Hoca Mehmed Efendi nâm kimesne vefât edip menzil-i mahdûd-ı mezbûr hâlî olmağla ulemâdan süknâya eşedd-i ihtiyâc ile muhtâc ve müstahikkīndan râfi‘u’l-kitâbi’l-müstetâb İsmail Efendi b. Veliyüddin nâm kimesne hâkim-i muvakki‘-ı sadr-ı kitâb -tûbâ-lehû ve hüsnü meâb- hazretleri bâ-işâret-i hazret-i şeyhülislâm -sellemehü’l-azîzi’l-allâm- tevcîh edip tasarrufi’çün işbu vesîka mûmâ-ileyh İsmail Efendi yedine i‘tâ olundu. Fî 10 Safer sene [1]143. Şuhûdü’l-hâl: Fahrü’l-kuzât es-Seyyid İbrahim Efendi, fahrü’l-müderrisîn Abdullah Efendi, Fahrü’l-ulemâ Hasan Efendi, Musazâde Abdullah Efendi, Eminzâde Abdullah Efendi, Molla Ali Efendi.