Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 94 Hüküm no: 34 Orijinal metin no: [7a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ligor v. Drako’nun Büyükada’da düşerek yaralandığı Mahrûse-i Galata’da Mumhâne’de sâkin Ligor v. Drako nâm zimmî meclis-i şer‘-i şerîf-i enverde mahrûse-i mezkûreye tâbi‘ Büyükada demekle ma‘rûf adada sâkin işbu bâ‘isü’r-rakīm Papa Tanaş v. Manol ve Papa Pirkemoz v. Yanaki nâm zimmîler muvâcehesinde ikrâr ve takrîr-i kelâm edip târih-i kitâbdan on beş gün mukaddem zikr olunan Büyükada’ya varıp sekrân olduğum hâlde kimesnenin zan‘ ve te‘addîsiz düşüp sol kaşım üzerinden mecrûh olmamla mezbûrân papaslar ile ve sâir zikr olunan ada ahâlîlerinden bir ferd ile cerh-i mezkûra mâ-yehdesü anha müte‘allika kat‘â da‘vâ ve nizâ‘ım yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 27 Safer sene [1]143. Şuhûdü’l-hâl: Ahmed Beşe b. Abdullah, İbrahim b. Mustafa Kādızâde, Mustafa b. Hasan, Mehmed Çelebi b. İbrahim, Yani v. Rizo, Mitro v. Kosta, Manol v. İsteryo, Dimo v. Yani, Kosta v. Mihal.