Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 107 Hüküm no: 55 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi b. Hüseyin’in Çukurbostan Mahallesi’ndeki arsasını Hüseyin Beşe b. Ahmed’e sattığı Mübâya‘a. Mahmiye-i İstanbul’da Sultan Selim [kurbünde] Çukurbostan Mahallesi ahâlîsinden Mustafa Çelebi b. Hüseyin nâm kimesne meclis-i şer‘-i hatîr-i lâzımü’t-tevkīrde Hüseyin Beşe b. Ahmed nâm kimesne mahzarında ikrâr-ı tâm ve takrîr-i kelâm edip akd-i âti’z-zikrin sudûruna değin yedimde mülk ve hakkım olup mahalle-i mezbûrede vâki‘ bir tarafdan mezbûr Hüseyin Beşe menzili ve bir tarafdan Ankaravî Ahmed nâm kimesne menzili ve iki tarafdan tarîk-i hâs ile mahdûd muhterik menzil arsamı tarafeynden îcâb ve kabûlü hâvî şürût-ı müfsideden ârî bey‘-i bâtt-ı sahîh-i şer‘î ile yirmi beş guruşa bey‘ ve temlîk ve teslîm eylediğimde ol dahi ber-vech-i muharrer iştirâ ve temellük ve tesellüm ve kabz ve kabûl eyledikden sonra semeni olan meblağ-ı mezbûr yirmi beş guruşu yedinden tamamen ahz u kabzeyledim. Fîmâ ba‘d arsa-yı mahdûd-ı mezkûr mezbûr Hüseyin Çelebi’nin mülk-i müşterâsı olup benim kat‘â alâka ve medhalim kalmamışdır dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 2 Rebî‘ülevvel sene [1]143. Şuhûdü’l-hâl: İsmail b. Ali, Musa Beşe b. Abdullah, Derviş Cüneyd b. Hüseyin, es-Seyyid İbrahim b. Memiş, Hüseyin Beşe b. Mehmed, Halil Beşe b. Fazlı.