Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 117 Hüküm no: 68 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Ali’nin kocası Hüseyin b. Mustafa’dan muhala‘a yoluyla boşandığı Muhâla‘a. Mahmiye-i İstanbul’da Küçük Mustafapaşa Mahallesi sâkinelerinden olup zâtı Mustafa b. İbrahim ve es-Seyyid el-Hâc Mustafa b. es-Seyyid el-Hâc Ömer ta‘rîfleriyle mu‘arrefe olan Âişe bt. Ali nâm hatun meclis-i şer‘-i hatîr-i lâzımü’t-tevkīrde zevc-i dâhili işbu râfi‘u’l-kitâb Hüseyin b. Mustafa nâm kimesne mahzarında ikrâr ve takrîr-i kelâm edip merkūm Hüseyin zevcim olup beynimizde hüsn-i mu‘âşeretimiz olmamağla zimmetinde mütekarrir ve ma‘kūdun-aleyh olan altı yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere merkūm Hüseyin ile muhâla‘a-i sahîha-i şer‘iyye ile muhâla‘a olduğumda ol dahi hul‘-ı mezbûru ba‘de’l-kabûl hukūk-ı zevciyyete müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 8 Rebî‘ülevvel sene [1]143. Şuhûdü’l-hâl: Mustafa b. Mehmed, diğer Mustafa b. Hasan, Mehmed b. İbrahim, el-Hâc Mustafa b. el-Hâc Ömer, Mehmed Çelebi b. Abdullah, Mehmed Çelebi b. Mustafa, Kādızâde İbrahim Çelebi, Ali b. Hüseyin, Mehmed b. Ahmed, Ahmed b. Mehmed.