Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 128 Hüküm no: 83 Orijinal metin no: [16b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. Mustafa ile Ahmed Çavuş b. Mustafa’nın muhala‘a yoluyla boşandıkları Muhâla‘a. Mahmiye-i İstanbul’da İbrahimpaşa Mahallesi’nde sâkine olup zâtı Canbaz Mehmed Çelebi b. Mehmed ve İbrahim b. Mustafa nâm kimesneler ta‘rîfleriyle mu‘arrefe olan Rukiye bt. Mustafa nâm hatun meclis-i şer‘-i hatîr-i lâzımü’t-tevkīrde zevc-i dâhili işbu râfi‘u’l-kitâb Ahmed Çavuş b. Mustafa mahzarında ikrâr ve takrîr-i kelâm edip mezbûr Ahmed Çavuş zevcim olup beynimizde hüsn-i mu‘âşeretimiz olmamağla zimmetinde mütekarrir ve ma‘kūdun-aleyh altı bin akçe mehr-i müeccelim ve firâşından hâsıl hamlim olmağla vaz‘-ı haml ile iddetim münkaziye oluncaya değin nafakam üzerlerine ve meûnet-i süknâm dahi kendi üzerime olmak üzere mezbûr Ahmed Çavuş ile muhâla‘a-i sahîha-i şer‘iyye ile muhâla‘a olduğumda ol dahi hul‘-ı mezbûru ba‘de’l-kabûl hukūk-ı zevciyyete müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 14 Rebî‘ülevvel sene [1]143. Şuhûdü’l-hâl: Canbaz Mehmed Çelebi b. Mehmed, Dergâh-ı âlî halîfelerinden Ali Halîfe, Mehmed Efendi b. Osman imâm-ı Câmi‘-i Nişancı, el-Hâc Mehmed b. Halil sâkin-i mahalle-i Debbâğ Yunus, Salih Odabaşı b. Abdullah, Şa‘ban Çavuş b. ( ), Kādızâde <> İbrahim b. Mustafa, Ya‘kub b. Abdullah.