Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 150 Hüküm no: 108 Orijinal metin no: [23b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tasarrufu ulemâya meşrûta olan vakıf evin Mustafa Efendi b. Mehmed’e tevcihi Tevcîh-i menzil. Sâhibe-i hayrâtdan merhûme Hâcce Hatun nâm sâhibetü’l-hayrın süknâsı ulemâdan bir recül-i sâlihe meşrûta vakfı olup mahmiye-i İstanbul’da merhûm Kazasker Mehmedefendi Mahallesi’nde vâki‘ bir tarafdan Abdurrahman Bey’in menzili ve iki tarafdan Mustafa Ağa menzili ve bir tarafdan tarîk-i âm ile mahdûd ma‘lûmü’l-müştemilât vakıf menzile ber-mûceb-i şart-ı vâkıfe tevcîh-i hâkimü’ş-şer‘le mutasarrıf olan Abdullah Efendi b. Abdurrahman bilâ-veled fevt olup süknâ-yı menzil-i mezbûr mahlûle olmağın hâkim-i muvakki‘-ı sadr-ı kitâb -tûbâ-lehû ve hüsnü meâb- efendi hazretleri ber-mûceb-i şart-ı vâkıfe süknâ-yı menzil-i mezbûru ulemâ ve sulehâdan olup süknâya eşedd-i ihtiyâc ile muhtâc idiği ihbâr olunan sâhibü hâze’l-kitâb Mustafa Efendi b. Mehmed’e tevcîh ve tasarrufuna kıbel-i şer‘den izin vermeğin mâ-hüve’l-vâki‘ bi’t-taleb ketb olundu. Fi’l-yevmi’r-râbi‘ aşer min-şehri Rebî‘ülâhir sene [1]143. Şuhûdü’l-hâl: Mehmed Ağa b. Mehmed, Mehmed Çelebi b. Abdullah, İbrahim Çelebi b. Mustafa, Salih Çelebi b. Süleyman, Ahmed Çelebi b. Hasan.