Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 154 Hüküm no: 115 Orijinal metin no: [24b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası Ahmed b. Mustafa’dan boşanan Ayşe bt. Süleyman’ın mehri ve nafakasını tamamen aldığı Ahz u kabz. Mahmiye-i İstanbul’da Karagümrük kurbünde Karabaş Mahallesi’nde sâkine olup zâtı es-Seyyid Mehmed Çelebi b. Mehmed ve Mehmed b. Abdullah ta‘rîfleriyle mu‘arrefe olan Âişe bt. Süleyman nâm hatun meclis-i şer‘-i hatîr-i lâzımü’t-tevkīrde zevc-i dâhili işbu bâ‘isü’l-kitâb Ahmed b. Mustafa mahzarında ikrâr ve takrîr-i kelâm edip zevcim mezbûr Ahmed târih-i kitâb günü beni bâyinen tatlîk etmekle zimmetinde mütekarrir ve ma‘kūdun-aleyh yirmi guruş mehr-i müeccelim ile nafaka-i iddet ve meûnet-i süknâm için bi’t-terâzî ta‘yîn olunan üç guruş ki cem‘an yirmi üç guruşu mezbûr Ahmed bana def‘ ve teslîm ben dahi yedinden tamamen ahz u kabz eylediğimden sonra hukūk-ı zevciyyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 19 Rebî‘ülâhir sene [1]143. Şuhûdü’l-hâl: İbrahim Çavuş b. Halil, Mustafa b. Mustafa, İbrahim b. Mehmed, es-Seyyid Hüseyin b. es-Seyyid Mehmed, Ali Çelebi b. Salih, Mehmed b. Salih.