Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 156 Hüküm no: 117 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avlonya sancağının Peremedi kazasına bağlı Gırman köyünden Hristo’nun kimsenin işine karışmayacağını taahhüd ettiği Ta‘ahhüd. Vilâyet-i Rumeli’de Avlonya sancağında Peremedi kazâsına tâbi‘ Gırman nâm karye ahâlîsinden olup Mahmiye-i İstanbul’da müsâfiren sâkin olan Hristo v. Avec? nâm zimmî meclis-i şer‘-i şerîf-i enverde karye-i mezbûre ahâlîsinden işbu ashâbü’s-sifr Pano v. İstamo ve Atanaş v. Marni? ve Peço v. Hristo ve Kino v. Peçka ve Hristo v. Avec? ve Risto v. Yani ve Kriço v. Hristo ve Milo v. Kevko? ve sâirleri muvâcehelerinde takrîr-i kelâm ve bast-ı merâm edip ben bu ana gelince kimesneye zulüm ve te‘addîm olmayıp ve mesfûrûn zimmetlerinde kat‘â bir akçe ve bir habbe hak ve müstehakkım yoğiken mezbûrûn zimmîler beynimizi ifsâd ve ihtilâle ve emîn ve hoşnûd değille[r]dir deyü benden teşekkî etmeleriyle karye-i mezkûrede vâki‘ menzil ve bağ ve sâir emlâkimi semen-i misilleri ile her biri şirâdan imtinâ‘ etmeleriyle emlâk-i mezbûremi âhara bey‘ ve min-ba‘d karye-i mezkûre varıp kat‘â umûrlarına müdâhale ve mu‘âraza etmemek üzere ta‘ahhüd eyledim dedikde hıfzan li’l-makāl mâ-vaka‘a bi’t-taleb ketb olundu. Fî 18 Rebî‘ülâhir sene [1]143. Şuhûdü’l-hâl: Mehmed Çelebi b. Abdullah, Abdullah b. Mustafa, İbrahim b. Mustafa, Molla Ali b. Mahmud.