Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 190 Hüküm no: 161 Orijinal metin no: [33b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Galata’daki mîrî âlât bükücülerinin kethüdası olan Abdullah b. Abdülkerim’in kethüdalık görevine devam etmesi Mîrî âlât bükücüleri, bâ-imzâ-i hazret-i Efendi. Mahrûse-i Galata’da vâki‘ mîrî âlât bükücü hırfetinden Hasan b. Ali ve Hasan b. el-Hâc Ali ve Ömer b. Ali ve Ahmed b. İbrahim ve Ali Beşe b. el-Hâc Ömer ve Ebûbekir b. el-Hâc ( ) ve Hasan b. Ali ve Hüseyin b. el-Hâc Ali ve Hüseyin b. Murtaza ve Halil b. Hüseyin ve İsmail b. Osman ve Mustafa b. Himmet ve Mehmed b. Ömer ve Ahmed b. Hasan ve Ömer b. Ali ve el-Hâc İbrahim b. Mehmed ve Ali b. el-Hâc Mustafa ve el-Hâc İbrahim b. Halil ve Mustafa b. Abdullah ve Ömer Beşe b. Hüseyin ve İbrahim b. Ahmed ve Musa b. Mehmed ve İbrahim b. Ahmed ve Mustafa b. Ahmed ve Ali b. Hüseyin ve Mustafa b. Ömer ve Ali b. Mustafa ve Ali b. el-Hâc Mustafa ve Abdurrahman b. Ca‘fer ve Mehmed b. Ali ve Ömer b. el-Hâc Ali ve Mehmed b. Mustafa ve İsmail b. Osman ve Ali b. Hasan ve Mehmed b. Ömer ve Halil b. Mehmed ve İbrahim b. Ahmed ve Ali b. el-Hâc Ömer ve el-Hâc Ahmed b. Mehmed ve İbrahim b. Hüseyin ve İbrahim b. Hasan nâm kimesneler meclis-i şer‘-i hatîr-i lâzımü’t-tevkīrde hâlâ kethüdâları bâ‘isü hâzihi’l-vesîka Abdullah b. Abdülkerim nâm kimesne mahzarında her biri takrîr-i kelâm ve tâ‘bir ani’l-merâm edip mezbûr Abdullah cümlemizin muhtâr ve mu‘temedi olup her hâlde kendiden hoşnûd ve râzılar olduğumuz ecilden sâbıkā kethüdâmız olan işbu hâzır bi’l-meclis Topal Süleyman nâm kimesne eşirrâdan ve kendi hâlinde olmayıp kethüdâlığı hâlinde her birimizi bi-gayr-ı hakkın tecrîm ve tağrîm eylediği ecilden azl ve yerine bâ-fermân-ı âlî kethüdâ nasb ve ihtiyâr etmişidik hâlâ mezbûr Abdullah Kethüdâ’dan her hâlde hoşnûd ve râzılar olduğumuza binâen kethüdâlık yine mezbûr Abdullah Kethüdâ’ya kemâ-kân ibkā ve mukarrer kılınıp kıbel-i şer‘den yedine hüccet-i şer‘iyye i‘tâ olunmak murâdımızdır deyü mazmûnu min-külli’l-vücûh takrîrlerine mutâbık bir kıt‘a fermân-ı âlî ibrâz etmeleriyle ber-mûceb-i emr-i âlî kethüdâlık-ı mezbûr kıbel-i şer‘den dahi mezbûr Abdullah’a ibkā ve mukarrer kılınmağın hıfzan li’l-makāl mâ-hüve’l-vâki‘ bi’t-taleb ketb olundu. Fi’l-yevmi’l-ışrîn min-şehri Rebî‘ülâhir sene [1]143. Şuhûdü’l-hâl: Mehmed Ağa b. Mehmed, Mehmed Çelebi b. Abdullah, İbrahim b. Mustafa.