Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 201 Hüküm no: 427 Orijinal metin no: [67a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmail b. Abdülmennan’ın evini Ahmed Subaşı’ya sattığı Dergâh-ı âlî bevvâblarından İsmail b. Abdülmennân mahfil-i kazâda bâ‘isü’s-sicil Ahmed Subaşı b. Mustafa mahzarında takrîr-i kelâm edip, mahalle-i Ma‘mûre‘de vâki‘ bir cânibi imâm eviyle ve bir cânibi Ali eviyle ve tarafeyni tarîk-i âm ile mahdûd iki ocaklı mülk menzilimi selâmlığıyla ve bahçe ve kenîfiyle ve bi’r-i mâ’ile bi cemî‘i’l-hudûd ve kâffeti’l-hukūk mezbûr Ahmed Subaşı’ya on iki bin râyic fi’l-vakt akçeye bey‘-i bât ile bey‘ edip teslîm-i mebî‘-i mahdûd ve kabz-ı semen-i ma‘dûd kılıp müşterî-i mezkûr dahi vech-i meşrûh üzre iştirâ eyledi dedikde, ba‘de’t-tasdîk bi’t-taleb kayd-ı sicil olundu. Tahrîren fî târihi mezbûr. Şuhûdü’l-hâl: Hasan b. Hüseyin, Derviş b. Hacı Mehmed, Bekir b. Abdullah er-Râcil, Ahmed b. Mahmud, Hacı Mustafa b. Ali, Bekir b. Ali Şerbetçi, Ali b. Abdullah Şerbetçi, Pîrî b. Ömer, Ali el-Kazzâz, Hasan el-Kayyım