Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 192 Hüküm no: 164 Orijinal metin no: [34a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yeniçerilerden Mehmed Beşe ile Halil Beşe’nin aralarındaki yaralama davasında sulh oldukları Dergâh-ı âlî yeniçerilerinin onuncu sekbanlara mahsûs oda neferâtından Mehmed Beşe b. Mustafa nâm kimesne meclis-i şer‘-i şerîf-i enverde yine oda-i mezbûre neferâtından işbu râfi‘u’l-kitâb Halil Beşe b. Mehmed nâm kimesne mahzarında ikrâr ve takrîr-i kelâm edip mezbûr Halil Beşe târih-i kitâbdan üç gün mukaddem sol kolumun bâzûsunu bıçak ile bi-gayr-ı hakkın darb ve cerh etmekle ben dahi mûceb-i şer‘îsini mezbûr Halil Beşe’den taleb ve da‘vâ sadedinde olmuşidim. El-hâletü hâzihî da‘vâ-yı mezkûremden fâriğ olup cerh-i mezbûra ve mâ-yehdesü anhümâ müte‘allika âmme-i da‘vâdan mezbûr Halil Beşe’nin zimmetini ibrâ-i âm ile ibrâ ve iskāt eyledim dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 6 Cumâdelûlâ sene [1]143. Şuhûdü’l-hâl: Ahmed Beşe b. Mustafa, Mustafa Beşe b. Hüseyin, Osman Beşe b. Ahmed, Hüseyin Beşe b. Ahmed, İslam Beşe b. Halil, Molla Ali b. Mahmud, İbrahim b. Mustafa, Abdullah b. Mustafa.