Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 207 Hüküm no: 179 Orijinal metin no: [38b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Abdi ile eşi İbrahim b. Mustafa’nın muhala‘a yoluyla boşandıkları Muhâla‘a. Mahmiye-i İstanbul’da Altıpoğaça Mahallesi sâkinelerinden olup zâtı İbrahim b. Mustafa ve Hüseyin b. Ahmed ta‘rîfleriyle mu‘arrefe olan Emine bt. Abdi nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb İbrahim b. Mustafa mahzarında ikrâr ve takrîr-i kelâm edip zevcim mezbûr İbrahim zimmetinde mütekarrir ve ma‘kūdun-aleyh olan üç bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr İbrahim ile muhâla‘a-i sahîha-i şer‘iyye ile muhâla‘a eylediğimde ol dahi hul‘-ı mezbûru ba‘de’l-kabûl hukūk-ı zevciyyete ve sâire müte‘allika âmme-i da‘vâdan her birimiz âharı ibrâ-i âmm-ı kātı‘u’n-nizâ‘la ibrâ ve iskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 12 Cumâdelûlâ sene [1]143. Şuhûdü’l-hâl: Mehmed Çelebi b. Abdullah, Salih b. Süleyman, es-Seyyid Ali b. Mustafa, Ya‘kub b. Abdullah. Beyâz, beyâz, beyâz, beyâz. [39a] Fazîletli Ebûbekir Efendi zamânında vâki‘ vakāyi‘dir.