Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 152 Hüküm no: 141 Orijinal metin no: [14a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Ahmed’in karısına babasından kaldığını iddia ettiği evin, babası tarafından Mustafa Yeniçeri’ye satıldığı Evliyâ mahallesinden Ali b. Ahmed nâm mumcu mahfil-i kazâda Dergâh-ı âlî çavuşlarından fahrü’l-akrân Hüseyin Ağa b. Abdülmüste‘ân mahzarında da‘vâ edip müvekkilem ve zevcem Hatice Hâtun bt. Hamza Bey müteveffâ babasından intikāl eden ma‘lûmü’l-hudûd evini [işbu Hüseyin] fuzûlî tasarruf eder şer‘le vekâleti taleb ederim deyicek mezbûrdan suâl olundukda mezbûrun zevcesi tarafından mezbûr vekîl olup zikr olunan evi Mustafa nâm yeniçeriye bey‘ edip kabz-ı semen ve teslîm-i mebî‘ eylediklerinden sonra mezbûr yeniçeriden altı bin altı yüz akçeye iştirâ eyledim minvâl-i meşrûh üzre olduğunu mezbûrdan suâl olunsun deyicek ber minvâl-i mezbûr üzre oldu ammâ akçesin mezbûr Mustafa Yeniçeri’ye verildi dediği i‘tirâfı kayd olundu. Hurrire fi’t-târihi’l-mezbûr. Şuhûdü’l-hâl: Es-Seyyid Mehmed b. Seyyid Sinan, Behrâm Subaşı, Hasan b. Sâdık, Şemseddin b. Sâdık