Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 165 Hüküm no: 169 Orijinal metin no: [17a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâdık’ın, ölen Sefer b. Abdullah’ın kardeşi olduğu ve terekesini istemesi Budur ki Bundan akdem emîrü’l-ümerâi’l-kirâm kebîrü’l-küberâi’l-fihâm Mustafa Paşa hazretlerinin yeğeni olup vefât eden Sâdık nâm kimesnenin li eb ve üm karındaşı ve vârisi olduğunu isbât eden Sefer b. Abdullah nâm kimesne mahfil-i kazâda müşârunileyh hazretleri tarafından vekîl-i şer‘î olan âdemlerinden Mehmed Bey b. Yunus nâm kimesne mahzarında ikrâr ve takrîr-i kelâm edip karındaşım merkūm Sâdık müşârunileyh hazretlerinde olan muhallefâtından bir gümüşlü gaddâre ve bir at bahâsından dört sikke altın alıp kabz edip gayrı muhallefâtı olmadığına ilmim olmağın mezbûr Sâdık’ın muhallefâtı husûsiçin müşârunileyhin zimmetini ibrâ’-i âm ile ibrâ’ ve ıskāt eyledi ba‘de’l-yevm husûs-ı mezbûr için benden veya vekîlimden da‘vâ ve nizâ‘ vâki‘ olursa lede’l-hükkâm istimâ‘ olunmaya dedikde mukırr-ı mezbûrun vech-i meşrûh üzre vâki‘ olan ikrârını vekîl-i mezbûr Mehmed Bey vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fî evâili Cemâziyelâhir sene elf. Şuhûdü’l-hâl: es-Sâbikūn