Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 213 Hüküm no: 187 Orijinal metin no: [39a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm bt. Ali’nin boşandığı eşi Kara Mehmed Beşe b. Abdullah’taki alacağını tahsil ettiği Ahz u kabz. Mahmiye-i İstanbul’da Aksaray kurbünde Vahhab Ağa odalarının birinde sâkine olup zâtı Mehmed b. Receb ve Ahmed b. Abdullah ta‘rîfleriyle mu‘arrefe olan Ümmügülsüm bt. Ali nâm hatun meclis-i şer‘-i hatîr-i lâzımü’t-tevkīrde zevc-i sâbıkı işbu bâ‘isü’l-kitâb Kara Mehmed Beşe b. Abdullah mahzarında ikrâr ve takrîr-i kelâm edip târih-i kitâbdan iki buçuk ay mukaddem mezbûr Mehmed Beşe beni bâyinen tatlîk etmekle yedimde olan hüccet nâtıka olduğu üzere zimmetinde doksan beş buçuk guruş hakkım olmağla meblağ-ı mezkûru mezbûr Mehmed Beşe tamamen bana edâ ve teslîm ben dahi ber-vech-i muharrer yedinden ahz u kabz eyledim min-ba‘d meblağ-ı mezkûrdan mezbûr Kara Mehmed Beşe yedinde ve zimmetinde bir nesne bâkī hakkım kalmadığından mâ‘adâ sâir beynimizde cereyân eden ahz u i‘tâya müte‘allika âmme-i da‘vâdan her birimiz âharın zimmetini ibrâ ve iskāt [40b] eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 20 Cumâdelûlâ sene [1]143. Şuhûdü’l-hâl: Mustafa Efendi b. Yunus Efendi, es-Seyyid el-Hâc Ahmed Efendi b. Bestan Efendi, Mehmed Çelebi b. Abdullah.