Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 223 Hüküm no: 200 Orijinal metin no: [43a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vergi adı altında haksız olarak paralarını alan el-Hâc Hüseyin Ağa b. Zülfikar ile Niğbolu sancağı Hotaliç kazası Selvi kasabasına bağlı bazı köylerin halkı arasındaki davada tarafların sulh oldukları Vilâyet-i Rumeli’de Niğbolu sancağında Hotaliç nâm kazâda vâki‘ Selvi kasabası mülhakātından Catatora? karyesi ahâlîsinden olup mahmiye-i İstanbul’da müsâfiren sâkin İmâm Ahmed Efendi b. Hüseyin ve Halil b. Mustafa ve Harbeya? karyesi ahâlîsinden Ahmed b. Mahmud ve Akıncılar karyesi ahâlîsinden İmâm Mehmed Efendi b. Ali ve Receb b. Şa‘ban ve Rabyo? karyesi ahâlîsinden Mehmed b. Hasan ve Dimyanova karyesi ahâlîsinden İsmail b. Mehmed ve Hasan b. Mehmed ve Ahmed b. Yusuf ve Malkoçlu karyesi ahâlîsinden İmâm Mehmed Efendi b. İbrahim ve İbrahim b. Ali ve Hırşova-i bâlâ karyesi ahâlîsinden Ahmed b. Hüseyin ve Dinova karyesi ahâlîsinden Ali b. Mustafa ve Kurmeniçka karyesi ahâlîsinden Halil Bey b. Ahmed ve Mustafa b. Receb ve Kratova karyesi ahâlîsinden Ali Beşe b. Hasan ve Mehmed b. Osman ve Adilli karyesi ahâlîsinden İbrahim Hoca b. Hasan ve Mehmed b. Veli ve Gradiniçe karyesi ahâlîsinden İbrahim b. Mehmed ve Hisarsekili karyesinden İmâm İbrahim Hoca b. Veli ve Ali b. Bilal ve Dobraniçe karyesi ahâlîsinden Ali b. Ömer ve Mustafa b. Murad nâm kimesnelerden her biri asâleten ve kasaba-i mezbûre sâkinlerinden Ali b. Ramazan ve Ali b. Abdi ve Ali b. Balyemez ve Ahmed b. Poze ve Mustafa Poze ve Süleyman b. Mustafa ve Hüseyin b. Hasan ve diğer Hüseyin b. Hasan ve Ahmed b. Sefer ve Mehmed b. Zünnun ve Halil b. İbrahim ve Siyavuş b. Abdullah ve Mustafa b. Sarrac ve karındaşları Ahmed ve Hasan ve Hüseyin ve kasaba-i mezbûreye tâbi‘ Çadırlı karyesinden Hüseyin b. Receb ve Mehmed b. Siyamî ve Hacı oğlu Mustafa ve el-Hâc Zâde Mehmed ve İbrahim b. Halil ve İshak b. İbrahim ve Mustafa b. Ali ve Zu Mustafa ve mârru’z-zikr Kurmeniçe karyesi sâkinlerinden Hüseyin Beşe b. Zülfikār ve Hüseyin Cudeyci? b. Ca‘fer ve Hüseyin b. Mehmed ve Küçük Ali Beşe ve Ali Beşe b. Ömer ve Rahova karyesi sâkinlerinden İmâm Mehmed Efendi ve Hüseyin b. Süleyman ve sâir ma‘lûmü’l-esâmî ve mahsûrü’l-eşhâs kimesneler taraflarından ber-mûceb-i hüccet sâbitü’l-vekâle vekîlleri olan Halil b. Mustafa ve diğer Halil b. Ahmed ve Molla Mustafa b. Mehmed ve Ali b. Yusuf nâm kimesneler vekâleten ve kasaba-i mezbûre ahâlîsinden Rayko v. Marat ve Nikola v. Dosa ve Yuvan v. Marko ve Dayko v. Todori ve Yuvan v. Mamo ve Ustoyan v. Hibe ve Vasdihan v. Abilo ve Yuvan v. Petro ve İstoya v. Nikola nâm zimmîler meclis-i şer‘-i şerîf-i enverde işbu sâhibü’l-kitâb el-Hâc Hüseyin Ağa b. Zülfikār mahzarlarında her biri bi’l-asâle ve bi’l-vekâle ikrâr ve takrîr-i kelâm edip bin yüz kırk ve kırk iki senelerinde mübâya‘ası fermân buyrulan dört bin keyl hıntayı mezbûr el-Hâc Hüseyin Ağa ba‘de’l-kabz ber-mûceb-i defter mîrî kıymetleri olan otuz dörder akçe her keyli olmak üzere cem‘an dokuz yüz guruşu bundan akdem mahallinde bi-kadri’l-hısas bize edâ ve teslîm biz dahi yedinden ahz u kabz eylediğimizden sonra mezbûr el-Hâc Hüseyin Ağa otuz dört senesinden kırk iki senesi gāyetine gelince vilâyetimize gelen avârız ve bedel-i nüzûl ve celeb-keşân ve imdâd-ı hazeriyye ve mübâya‘a ve sükkân ücreti ve menzil ve harc-ı vilâyet ve meci akçesi ve sâir umûrumuza müdâhale etmekle üç bin guruşumuzu bi-gayr-ı hakkın ahz u kabz eylemişidi deyü üzerine da‘vâya şürû‘ eylediğimizde ol dahi inkâr etmeğin ba‘de vukū‘ı’l-münâza‘a beynimize muslihûn tavassut edip da‘vâ-yı mezkûremizden bizi mezbûr el-Hâc Hüseyin Ağa ile an-inkâr yedi yüz guruş üzer[e] sulh eylediklerinde biz dahi sulh-ı mezkûru ber-vech-i muharrer bi’l-asâle ve bi’l-vekâle kabûl ve bedel-i sulh-ı mezkûr yedi yüz guruşu yedinden tamamen ahz u kabz eylediğimizden sonra husûs-ı mezkûre ve sâire müte‘allika âmme-i de‘âvîden her birimiz bi’l-asâle ve bi’l-vekâle mezbûr el-Hâc Hüseyin Ağa’yı ibrâ-i âmm-ı kātı‘u’n-nizâ‘la ibrâ ve iskāt eyledik dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 29 Cumâdelûlâ sene [1]143. Şuhûdü’l-hâl: Mehmed Çavuş el-mübâşir, Ahmed b. Hüseyin, Halil Ağa b. Mustafa, Mustafa b. Mehmed, Hüseyin b. el-Hâc Abdullah, Mustafa Ağa b. Mehmed, Ali Bey [b.] Hasan, Molla Mehmed b. Hasan, Molla Süleyman b. Ahmed, el-Hâc Mehmed b. Mustafa, Molla Süleyman b. Ahmed, Mehmed Efendi b. Musa, Mehmed Halîfe b. Hasan.