Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 228 Hüküm no: 205 Orijinal metin no: [44a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah bt. Ahmed ile el-Hâc Mustafa b. Mehmed’in muhala‘a yoluyla boşandıkları Muhâla‘a. Mahmiye-i İstanbul’da Altımermer kurbünde sâkine Emetullah bt. Ahmed nâm hatun zâtı ba‘de’t-ta‘rîfi’ş-şer‘î meclis-i şer‘-i hatîr-i lâzımü’t-tevkīrde zevc-i dâhili işbu bâ‘isü’l-kitâb el-Hâc Mustafa b. Mehmed mahzarında ikrâr ve takrîr-i kelâm edip mezbûr el-Hâc Mustafa zevcim olup beynimizde hüsn-i zindegānemiz olmamağla zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere ve bâ-hüccet-i şer‘iyye nafaka-i mefrûza-i müstedânemden zimmetinde müctemi‘ hakkım olan otuz sekiz guruşu dahi bedel-i hul‘ olmak üzere zevcim mezbûr el-Hâc Mustafa ile muhâla‘a-i sahîha-i şer‘iyye ile muhâla‘a olduğumda ol dahi hul‘-ı mezbûru ba‘de’l-kabûl [44b] hukūk-ı zevciyyete ve sâire müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî-gurreti Cumâdelâhire sene [1]143. Şuhûdü’l-hâl: Tahtacı Mehmed Çelebi, Salih Çelebi b. Süleyman, Kādızâde İbrahim, Abdullah b. Hasan.