Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 262 Hüküm no: 402 Orijinal metin no: [38a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstasor v. Vataça’nın, ölen Trandafilo’nun kızına borçlu olduğu Üsküdar’a tâbi‘ Kınalı Adası’ndan olup bundan akdem mürd olan Trandafilo nâm zimmînin sagīre kızı merkūmeye kıbel-i şer‘den vasî nasb olunan İstasor v. Vataça nâm zimmî mahfil-i kazâda sagīre-i merkūmenin mahzarında ikrâr ve takrîr-i merâm kılıp merkūmenin babasından kendiye intikāl eden mâlından benim zimmetimde yirmi bin akçe asıldan ve iki bin akçe dahi bir sene va‘de ile aldığım çuka bahâsından deynim olup cem‘an yirmi iki bin akçedir te’kîden li’l-asl ve tavzîhan li’l-kül nısfı on bir bin akçe lâzımü’l-edâ ve vâcibü’l-kazâ deynimdir deyip Yorgaki Laskari Papa Yani v. Siro v. Mirtoz v. Yani ve Yorgi Şome ve Trandafilo nâm zimmîler meblağ-ı mezbûra biz kefîl olduk dediklerinde mezbûre dahi tasdîk eylediği kayd olundu. Şuhûdü’l-hâl: Mahmud Subaşı Yayabaşı, Müstedâm Bey b. Abdullah, Mehmed b. Mustafa, Hürrem Bey b. Abdullah, Mehmed b. Behrâm, Sefer b. Abdullah ve gayruhüm