Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 267 Hüküm no: 415 Orijinal metin no: [39b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatma bt. Mahmud’un, tarlasını Gazanfer Bey b. Abdülmüsteân’a sattığı Hasan Ağa mahallesi sâkinelerinden Fâtıma bt. Mahmud nâm hâtun tarafından husûs-ı âtîye nehc-i şer‘le vekâleti sâbite olan Mahmud b. Ali nâm kimesne mahfil-i kazâda Galata’ya tâbi‘ Kasım Paşa’da Yeldeğirmeni mahallesinde sâkin olup zu‘emâ zümresinden olan Gazanfer Bey b. Abdülmüste‘ân tarafından nehc-i şer‘î üzre vekîli olan Hüseyin Bey b. Yusuf mahzarında ikrâr ve i‘tirâf edip mahrûse-i Üsküdar’a tâbi‘ Soğanlık nâm karye dâhilinde bir tarafı Derviş tarlasıyla ve bir tarafı Mustafa b. Musa bahçesiyle ve bir tarafı tarîk-i âmla ve bir tarafı dereyle mahdûd olan mülk evini müvekkilem mezbûre Fâtıma mezbûr Gazanfer Bey’e on bin nakd râyic fi’l-vakt akçeye bey‘-i bâtt-ı sahîh-i şer‘î birle bey‘ edip kabz-ı semen ve ikbâz-ı müsemmen kıldım dedikde mukırr-ı mezbûru mukarrun lehü’l-merkūm vicâhen ve şifâhen tasdîk eylediği kayd olundu. Şuhûdü’l-hâl: Mehmed b. Habîb, Şemseddin b. Sâdık, Mehmed b. Behrâm ve gayruhüm