Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 289 Hüküm no: 465 Orijinal metin no: [44a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kızılada ve tevabi‘i mültezimi Andriye v. Yorgi’nin boş araziyi tapuyla İstovri’ye sattığı Merhûm ve magfûrun-leh Şehzâde Sultân Mehmed Hân aleyhi’r-rahmetü ve’l-gufrân hazretlerinin evkāfından Kızılada ve tevâbi‘i ve mültezimi olan Andriye v. Yorgi nâm âmil mahfil-i kazâda İstovri v. Manol muvâcehesinde ikrâr edip mezbûr İstovri’nin evi kurbunda olup tahmînen bennâ zirâ‘ıyla on zirâ‘ tûlü ve arzla olan arz-ı hâliyeyi yüz akçe resm-i tapusun alıp merkūm İstovri’ye zikr olunan yeri tapuya verdim ba‘de’l-yevm keyfe mâ yeşâ mutasarrıf ola dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm bi’l-muvâcehe ve’l-müşâfehe tasdîk ve keyfiyet ve kabûl eylediği kayd şud. Şuhûdü’l-hâl: Kostantin v. Yani, ve Bâli v. Dimitri, Panayot v. Pandazi, Aleksandra v. Nikola, Aleksandra v. Manol ve gayruhüm