Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 236 Hüküm no: 216 Orijinal metin no: [46b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meryem bt. Ali ile Halil b. Hasan’ın evlendiği Nikâh. Vilâyet-i Anadolu’da Aksaray kazâsına tâbi‘ Alifakih nâm karye ahâlîsinden olup Mahmiye-i İstanbul’da Tahtakale’de vâki‘ Müftî Hânı’nda müsâfireten sâkine olup zâtı karye-i mezbûre sükkânından Mehmed Bey b. Ahmed ve Ahmed Bey b. Ali nâm kimesneler ta‘rîfleriyle mu‘arrefe olan Meryem bt. Ali nâm bikr-i bâliğa meclis-i şer‘-i hatîr-i lâzımü’t-tevkīrde işbu bâ‘isü’l-kitâb yine karye-i mezbûre ahâlîsinden Halil b. Hasan nâm kimesne mahzarında ikrâr-ı tâm ve takrîr-i kelâm edip ben âkile ve bâliğa olmamla babam mezbûr Ali hâzır olduğu hâlde nefsimi işbu mezbûr Halil’e on iki bin akçe mehr-i mu‘accel ve yirmi bin akçe mehr-i müeccel tesmiyesiyle akd ve tezvîc eylediğimde ol dahi ber-minvâl-i muharrer tezevvüc ve kabûl eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 11 Cumâdelâhire sene [1]143. Şuhûdü’l-hâl: Mehmed Bey b. Muharrem, Mustafa b. Murad, Mehmed Bey b. Ahmed, Ahmed Bey b. Ali, Eyüb Çelebi b. Mehmed, Mustafa b. İbrahim, İbrahim b. Mustafa, Mehmed Çelebi b. Abdullah.