Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 237 Hüküm no: 217 Orijinal metin no: [46b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kezban bt. Mehmed ile es-Seyyid Ebûbekir b. Receb’in evlendiği Nikâh. Vilâyet-i Anadolu’da Çerkeş kazâsına tâbi‘ Saçaklı nâm karye ahâlîsinden olup Mahmiye-i İstanbul’da Koğacılar Mahallesi’nde müsâfireten sâkine olup zâtı karye-i mezbûre ahâlîsinden Mustafa Beşe b. Şa‘ban ve Ali Beşe b. Musa nâm kimesneler ta‘rîfleriyle mu‘arrefe olan Kezban bt. Mehmed nâm bikr-i bâliğa meclis-i şer‘-i hatîr-i lâzımü’t-tevkīrde işbu hâfızü’l-kitâb yine karye-i mezbûre ahâlîsinden es-Seyyid Ebûbekir b. Receb nâm kimesne mahzarında ikrâr-ı tâm ve takrîr-i kelâm edip ben âkıle ve bâliğa olmamla babam mezbûr Mehmed hâzır olduğu hâlde nefsimi işbu mezbûr es-Seyyid Ebûbekir’e kırk guruş mehr-i mu‘accel ve elli guruş mehr-i müeccel tesmiyesiyle akd ve tezvîc eylediğimde ol dahi ber-minvâl-i muharrer tezevvüc ve kabûl eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 10 Cemâziyelâhir sene [1]143. Şuhûdü’l-hâl: Halil b. Mehmed, es-Seyyid Ahmed b. Mehmed, Mustafa b. Şa‘ban, Ali b. Musa, Hüseyin Beşe b. Şa‘ban, el-Hâc Mustafa b. Receb, Mehmed b. Receb.