Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 293 Hüküm no: 476 Orijinal metin no: [45a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Hasan’ın, Kemal İbrahim b. Hasan’dan alacağını tahsil ettiği Südce mahallesi sâkinlerinden Hüseyin b. Hasan nâm hâssa cerrâh mahfil-i kazâda mahalle-i Ma‘mûre’den Kemal İbrahim b. Hasan mahzarında ikrâr ve i‘tirâf edip bundan akdem mezbûr İbrahim zimmetinde beş bin akçe asıldan ve bin akçe çuka bahâsından mu‘âmeleden cem‘an altı bin nakid akçeyi bi’t-tamâm ve’l-kemâl alıp kabûl ve kabz edip zimmetimde bir akçe ve bir habbe bâkī kalmadı dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm bi’l-muvâcehe tasdîk eylediği kayd olundu. Şuhûdü’l-hâl: Seyyid İbrahim Çelebi b. Sinan, es-Seyyid Hüseyin b. es-Seyyid Sinan, Mevlânâ Hızır b. Mehmed, Beşir Hoca b. İlyas, Ali b. Mustafa, Ali Hoca b. Mesih