Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 294 Hüküm no: 477 Orijinal metin no: [45a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Paşa Evkâfı’nın, Kara Mehmed b. Maksud’daki alacağının bir kısmını tahsil ettiği Seyyidetü’l-muhadderât ve seyyidetü’l-muvakkarât Hatîcetü’d-devrân ve Fâtımatü’z-zehrâ merhûm el-Hâc Paşa evkāfına mütevellîye olan Gevherhân hanım tarafından kayımmakām-ı mütevellî olan fahrü’l-akrân Derviş Bey b. Nuh nâm kimesne mahfil-i kazâda evkāf-ı mezbûreden Kostantıniyye’de Hoca Rüstem mahallesinde nâm-ı diğer Fîruz Ağa mahallesinde vâki‘ kervansarayın ve tevâbi‘inin müste’ciri olan Kara Mehmed b. Maksud mahzarında ikrâr ve i‘tirâf edip vakf-ı mezbûr icâresinden Abdullah b. Karagöz tahvîlinden mezbûr Mehmed zimmetinde vâki‘ olan elli bin beş yüz yetmiş iki akçeden beş bin dört yüz kırk akçesin alıp kabûl ve kabz eyledim bâkī zimmetinde on bir bin yüz otuz iki akçem kaldı dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-mezbûr vicâhen ve şifâhen tasdîk ve tahkīk eyledikde mâ vaka‘a kayd olundu. Şuhûdü’l-hâl: Fahrü’l-akrân Cemşid Ağa b. Abdülmennân, Ali Çavuş b. Abdullah el-Hammâmî, Siyami b. Fazlullah el-müstaid, Abdullah b. Abdullah Mâ fîhi alâ mâ yahvîhi sahhı abdi’l-fakīr ile’l-meliki’l-habîr Mehmed b. Yusuf el-müvellâ bi Kostantıniyye el-mahmiye hilâfetehu