Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 301 Hüküm no: 490 Orijinal metin no: [47a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Öldürülen kişinin keşfedilmesi Budur ki Mahrûse-i Üsküdar muzâfâtından Bulgurlu nâm karyeden Nuh Bâli b. Ali nâm kimesne mahfil-i kazâya gelip Viran nâm mevzi‘a karîb tarîk-i âmda bir kimesneyi mecrûhen katl olunmuşdur üzerine varılıp vukû‘ı üzre keşf olunmasın taleb ederim dedikde zeyl-i kitâbda ismi mastûr olan Müslümanlar ile Mevlânâ İsa Efendi irsâl olunup mahall-i merkūma vardıklarında fi’l-hakīka zikr olunan yerde tarîk-i hâssa karîb yerde başı ve bir eli kat‘ olunmuş bulunup ve bir eli dahi kat‘ olunup lâkin bileğinden kat‘ olunmamış bulunup başı ve bir eli tecessüs olundukda başı bir çalı içinde ve eli dahi başa karîb yerde bulunduğunu mevlânâ-yı merkūm haber vermeğin bu hurûf ber sebîl-i temessük ketb u tahrîr olunup yed-i tâlibe vaz‘ u def‘ olundu ki lede’l-iktizâ kāti‘-i kîl u kāl ola. Tahrîren fî evâsıtı Ramazâni’l-mübârek li sene elf mine’l-hicreti’n-nebeviyye. Şuhûdü’l-hâl: Fahrü’l-akrân Müstedâm Bey el-cündî, Muttalib b. Süleyman, Ferhad b. Abdullah ve Hamza b. Sefer ve Sefer b. Abdullah ve gayruhüm mine’l-hâzırîn