Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 303 Hüküm no: 494 Orijinal metin no: [47a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rıdvan Kethüdâ’nın ölüm tarihinin belirlenmesi Budur ki Eyâlet beylerinden kıdvetü’l-ümerâi’l-kirâm ( ) meclis-i şer‘-i şerîfe gelip Şavşad beyi kethüdâsı olup Harput? sancağında Gorgoraf nâm karyeden ve gayrı on bir bin akçe tîmara mutasarrıf olan fahrü’l-akrân Rıdvan Kethüdâ ki vefâtı târih-i Müslümanlardan tefahhus olunup vukû‘ı üzre sicil olunmasın taleb ederim dedikde mahrûse-i Üsküdar mahallâtından Hamza Ağa mahallesi imâmı Receb Halîfe b. Mesud ve müezzini Mehmed b. Mustafa nâm kimesneler mahfil-i kazâda hâzırân-ı merkūm Rıdvan Kethüdâ sene elf Ramazânı’nın on beşinci günü Cuma günü sabah zamânı vefât etti deyu haber verdiklerinde mâ vaka‘a bi’t-taleb tahrîr olundu Tahrîren fî evâsıtı şehri Ramazâni’l-mübârek sene elf. Şuhûdü’l-hâl: es-Sâbikūn