Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 304 Hüküm no: 496 Orijinal metin no: [47b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Çavuş’un, Torbete ile olan davasının Kartal’da görülmesini istediği Dergâh-ı âlî çavuşlarından fahrü’l-emâsil ve’l-akrân Hüseyin Çavuş mahfil-i kazâya gelip Kartal nâm karye zimmîlerinden Torbete v. ( ) nâm zimmînin zevcesi ile şer‘î da‘vâm olup bunda ihzâra küllî müzâyaka olmağın karye-i mezbûrede ber mûceb-i şer‘-i şerîf görülmesin taleb ederim dedikde Mevlânâ Ahmed irsâl olunup vardıkda mezbûreyi meclis-i şer‘a da‘vet edip itâ‘at-i şer‘ eylediğimde karye-i mezbûre papazları ve metropolid irsâl olunup tekrâr şer‘a da‘vet olundukda varmazım dedikde haber verdiklerinde mevlânâ-yı merkūm haber vermeğin bu hurûf ber sebîl-i temessük ketb u tahrîr olunup yed-i tâlibe vaz‘ u def‘ olunduğu lede’l-iktizâ kāti‘-i kîl u kāl ola Tahrîren fî evâsıtı şehri Ramazâni’l-mübârek sene elf. Şuhûdü’l-hâl: Ahmed b. Abdullah, Ahmed b. Ali, Mustafa b. Hüseyin, Mehmed Usta ve gayruhüm