Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 306 Hüküm no: 501 Orijinal metin no: [48a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Teomayi bt. Nikola’nın cariyesi Kameri, Hüseyin Reis b. Hasan’a sattığı Budur ki İstavros nâm karyeden Teomayi bt. Nikola nâm zimmîye mahfil-i kazâda Hüseyin Reis b. Hasan nâm kimesne mahzarında ikrâr edip bundan akdem zimmîye olup hâlâ şeref-i islâm ile mütehallî olan orta boylu bikriyetü’l-asl Kamer nâm câriyemi mezbûr Hüseyin Reis[’e] iki bin iki yüz akçeye bey‘ edip teslîm-i mebî‘ ve kabz-ı semen kıldım dedikde mukırr-ı mezbûrenin vech-i meşrûh üzere vâki‘ olan ikrârını mukarrun lehü’l-merkūm vicâhen tasdîk ettikden sonra mezbûrenin sadriye oğlu Yorgaki nâm zimmîye zikr olunan câriye anam Teomayi’nindir benim kat‘â medhalim yokdur dediği mâ vaka‘a bi’t-taleb tahrîr olundu. Şuhûdü’l-hâl: Sefer Hoca b. İlyas el-müezzin, Hasan b. Sâdık, Muttalib [b.] Süleyman, Mehmed b. Behrâm ve gayruhüm Yevmü’l-hamîs es-sânî ve’l-ışrîn min Ramazâni’l-mübârek li sene elf El-emru kemâ zükire fîhi abd el-fakīr Şaban b. Mahmud el-müvellâ bi kazâi Kastamonu ufiye anhu