Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 239 Hüküm no: 221 Orijinal metin no: [47a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karabet v. Ağya’nın doğramacı esnafı kethüdalığına tayini Doğramacıların kethüdâlık hücceti. Mahmiye-i İstanbul’da doğramacılar hırfetinin kethüdâları olan es-Seyyid Mehmed Çelebi b. ( ) ve üstâdlarından es-Seyyid Ahmed Efendi b. es-Seyyid Cemaleddin ve es-Seyyid Mustafa b. Cemaleddin ve es-Seyyid Mustafa b. Mehmed ve Ali Beşe b. Hüseyin ve zimmîyân tâifesinin üstâdlarından Şahin v. Abram ve Kazar v. Arakil ve Bünyad v. Susam ve Bedros v. Melkon ve Avanis v. Kirkor ve Karabet v. Kirkor ve Masar v. Simaven ve Artin v. Oham ve Manuk v. Yani ve Yuvan v. Ayan ve Bedros v. Gabril ve Marat v. Margos ve Haçador v. Nevruz ve Haçir v. Nazar ve Vartan v. Abraham ve Bayram v. Feduk? ve Norsez v. Marat ve Yani v. Serkiz ve Kirko v. Gaspar ve İvaz v. Sefer ve Kirkor v. Abraham ve Kokaz v. Avanis ve Bedros v. Yasef ve Toros v. Dimyad ve Artin v. Avanis ve Ağya v. Kirakor ve Elmas v. Yakob ve Agop v. Ohan ve Tekfur v. Agop ve Kiyorak v. Mardiros ve Panos v. Serkiz ve Bağdasar v. Serkiz ve Haçir v. Bogos ve Bağdasar v. Mardiros ve Karabet v. Balhazar ve Kosdik v. Ohan ve Karabet v. Avanis ve Anderyas v. Serkiz ve Avanis v. Kader ve Yani v. İvaz ve Toros v. Kirakos nâm zimmîler meclis-i şer‘-i şerîf-i enverde bundan akdem kethüdâları olan Marat v. Yasef muvâcehesinde takrîr-i kelâm ve bast-ı merâm edip mezbûr Marat bundan akdem kethüdâmız olup nizâm-ı hâlimize mugāyir tekâsül [47b] ve ihtilâle bâ‘is olur deyü mesfûr Marat’dan teşekkî etmeleriyle işbu hâfızü’l-vesîka Karabet v. Ağya nâm zimmî her vechile beynimizde olan umûrumuza ıttılâ‘-ı tammı olmağla nizâm-ı hâlimiz için kıbel-i şer‘den üzerimize kethüdâ nasb ve ta‘yîn olunmak matlûbumuzdur dediklerinde esnâf-ı mezkûre ber-vech-i muharrer nizâm-ı hâlleri’çün iltimâslarıyla muhtârları olan mezbûr Karabet zimmî kıbel-i şer‘den üzerlerine kethüdâ nasb ve ta‘yîn olundukda ol dahi kabûl ve hizmet-i lâzımesin edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 11 Cumâdelâhire sene [1]143. Şuhûdü’l-hâl: Çalık Mehmed Çelebi b. Abdullah, Kādızâde İbrahim Çelebi du‘âcı, Salih Çelebi b. Süleyman, Ya‘kub b. Abdullah, İbrahim Çelebi kāimmakām.