Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 365 Hüküm no: 638 Orijinal metin no: [60b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Münevver Hâtun’un evine fi‘l-i şenî‘ kasdıyla giren Nasûh b. Oruç ve Abdülkadir b. Hamza’nın, Münevver Hâtun’un bağırmasıyla kaçtıkları Budur ki Davudoğlu demekle ma‘rûf karye sâkinlerinden Mehmed b. Davud mahfil-i kazâda Nasûh b. Oruç ve Abdülkādir b. Hamza nâm kimesneler mahzarlarında takrîr-i da‘vâ edip mezbûrân kimesnelerin Üsküdar’da iken bî-vakt evime girip vâlidem Münevver nâm hâtunun sırtına yanaşıp mezbûre feryâd edicek firâr etmişler suâl olunsun vukû‘ı üzre sicil olunmasın taleb ederim dedikde gıbbe’s-suâl mezbûr Nasûh ikrâr edip fi’l-hakīka mezbûr Mehmed Üsküdar’da iken bî-vakt evine girip mezbûre Münevver’in yanından sırtına yanaşıp mezbûre feryâd ettikde firâr eyledik deyu cevâb verip ve mezbûr Abdülkādir dahi cevâb verip fi’l-hakīka beni idlâl edip mezbûreye fi‘l-i şenî‘ edelim dedi ben dahi mezbûr Mehmed’in kurbunda dururdum merkūm Nasûh girip bir zamândan feryâd oldukda firâr eyledik deyu ikrâr ve i‘tirâfları merkūm Mehmed talebiyle tahrîr olundu. Tahrîren fî evâsıtı Zilka‘de sene elf. Şuhûdü’l-hâl: Kıdvetü’l-akrân Yahya Bey Korucubaşı, Hüsrev Bey [b.] Abdullah Korucu, Hasan b. Sâdık, Hüseyin b. Behrâm ve gayruhüm