Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 366 Hüküm no: 639 Orijinal metin no: [60b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Murad b. Abdullah’ın, boşandığı eşi Fati bt. Mehmed’e iddet-i nafaka ve hamile olması sebebiyle ayrıca nafaka vermesi Budur ki Fati bt. Mehmed nâm hâtun mahfil-i kazâda acemi oğlanı zümresinden Murad b. Abdullah mahzarında takrîr-i da‘vâ edip mezbûr Murad benim zevcem olup bana talâk verdi hâlâ bin akçe nikâhım ve nafaka-i iddetim taleb ederim dedikde gıbbe’s-suâl mezbûr Murad cevâb verip fi’l-hakīka mezbûre Fati zevcem olup talâk-ı selâse ile tatlîk ettim lâkin nikâhı beş yüzdür dedikde mezbûr Murad’dan ikrâr mûcebince mezbûrenin beş yüz akçe nikâhı ve iki yüz on akçe nafaka iddeti ki cem‘an yedi yüz on akçe hükm olunduğundan sonra mezbûre Fati hamlim vardır deyip fi’l-hakīka hamli mukarrer olıcak târih-i kitâbdan vaz‘-ı haml edinceye yevmî ikişer akçe nafaka takdîr olunup ve mâ hüve’l-vâki‘ bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Hacı Yakub, Mustafa [b.] Mehmed, Sefer [b.] Abdullah, Mehmed b. Behrâm ve gayruhüm