Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 366 Hüküm no: 640 Orijinal metin no: [60b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsa b. Hacı’nın ölen Ali’ye verdiği borcu, Ali’nin oğlu Mehmed’e vasî olan Ali b. Hızır’dan istemesi Budur ki İsa b. Hacı mahfil-i kazâda bundan akdem vefât eden Ali nâm kimesnenin sagīr oğlu Mehmed’e kıbel-i şer‘den vasî olan Ali b. Hızır mahzarında takrîr-i kelâm edip müteveffâ-yı mezbûre hâl-i hayâtında bin akçe karz verip ve çuka bahâsından dahi yüz akçem olup vefât ettikde zimmetinde kaldı hâlen taleb ederim dedikde gıbbe’s-suâl ve akībe’l-inkâr udûlden Hüseyin b. Veliyyüddin ve Ali b. İbrahim nâm kimesneler edâ-yı şehâdet-i şer‘iyye edip fi’l-hakīka müdde‘î-i mezbûr müteveffâ-yı merkūma hâl-i hayâtında bin akçe karz ve yüz akçe dahi çuka verip bu husûsa şâhidleriz şehâdet ederiz dediklerinde ba‘de ri‘âyet-i şerâiti’l-kabûl hayyiz-i kabûlde vâki‘ oldukdan sonra meblağ-ı mezbûru almayıp ve hibe etmeyip ve zimmetini bir vechile ibrâ’ eylemediğine mezbûr İsa‘ya yemîn verildikde mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Hasan Bey el-cündî, Hasan b. Sâdık, Mehmed b. Behrâm, Sefer b. Abdullah ve gayruhüm