Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 376 Hüküm no: 660 Orijinal metin no: [62b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Bey b. Abdullah’ın, gemisini aletleriyle birlikte Mustafa Bey b. Ahmed’e sattığı Hâlâ Gazze beyi olan kıdvetü’l-ümerâi’l-kirâm umdetü’l-küberâi’l-fihâm Mustafa Bey b. Abdullah hazretleri tarafından Şaban b. Sevindik ve Sabit ve Veli şehâdetleri ile sâbitü’l-vekâle olan fahrü’l-akrân Mehmed Bey b. Abdullah mahfil-i kazâda bâ‘isü’l-kitâb hâssa sarrâclardan Mustafa Bey b. Ahmed mahzarında ikrâr ve takrîr-i merâm ve i‘tirâf-ı takrîr-i kelâm edip müvekkilim mîr-i müşârunileyh yirmi altı zirâ‘ Karamürsel gemisi cemî‘ âlât ve esbâbıyla yüz bin nakd râyic fi’l-vakt akçeye bey‘ edip teslîm-i mebî‘ ve kabz kıldı ba‘de’l-yevm mülk-i müşterâsıdır dedikde vekîl-i mezbûrun vech-i meşrûh üzre vâki‘ olan kelimâtını mukarrun lehü’l-merkūm tasdîk edip bi’t-taleb sicil olundu. Şuhûdü’l-hâl: Kıdvetü’l-kuzât İsa Efendi, Hasan b. Sâdık, Mehmed b. Behrâm, Ramazan b. Fethullah, Muttalib b. Süleyman ve gayruhüm