Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 386 Hüküm no: 686 Orijinal metin no: [65a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Patrik Yermiye’nin miriye olan borcu için bostanının satılması Budur ki Mahrûse-i İstanbul’da patrik olan Yermiye nâm râhib tarafından vekîl-i şer‘î olan Aleksi v. Yani ve husûs-ı âti’z-zikre mübâşir ta‘yîn buyurulan ebnâ-i sipâhiyândan fahrü’l-emâsil ve’l-akrân Kasım Bey mahfil-i kazâda bâ‘isü’l-hurûf Yorgi v. Valasgar nâm zimmî mahzarında takrîr-i kelâm edip patrik-i mezbûrun mîrîye olan deyni için merhûm Fazlullah Paşa evkāfından Çengel nâm karye sınırında vâki‘ bir tarafı râhiblere vakf olan bağlar ve bir tarafı Yorgile bağıyla ve bir tarafı Panayot bağıyla ve tarîk-i âm ile mahdûd olan bostanı füruht olup akçesi mîrîye teslîm olunmasıçün emr-i şerîf vârid olmuş idi hâlen ber mûceb-i fermân-ı âlî zikr olunan bostanı beyne’l-mutâlibîn müzâyede edip mezbûrun üzerine on bir bin akçede karâr edip ziyâdeye tâlib olmamağın mezbûr zimmîye on bir bin nakd râyic fi’l-vakt akçeye bey‘ edip akçesini mîrî için alıp kabz eyledik keyfe mâ yeşâ mutasarrıf olsun dedikde mukırrân-ı mezbûrânın vech-i meşrûh üzre vâki‘ olan ikrârını mukarrun lehü’l-mezbûr tasdîk edip kayd olundu. Şuhûdü’l-hâl: Ali Halîfe el-imâm, Mehmed [b.] Mustafa, Mehmed b. Veli, Mustafa [b.] Mehmed, Müstedâm Bey el-cündî ve gayruhüm