Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 390 Hüküm no: 695 Orijinal metin no: [66a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rukiye bt. Memi’nin, Receb b. Mehmed’den boş arâzi satın aldığı Budur ki Rukiye bt. Memi nâm hâtun tarafından Hacı Abdurrahman b. Ali ve Hacı Memi b. Abdullah şehâdetleriyle vekâleti sâbite olan Hasan b. Abdullah mahfil-i kazâda bâ‘isü’l-hurûf Receb b. Mehmed mahzarında takrîr-i kelâm edip mahrûse-i Üsküdar’da Danyal mahallesinde vâki‘ bir tarafı Behrâm Bey [b.] Abdullah mülkü ile ve iki tarafı müşterî-i mezbûr mülkü ile ve bir tarafı bâyi‘a-i mezbûre mülkü ile mahdûd olan arz-ı hâliyenin bir mikdârını müvekkilem mezbûre Rukiye mezbûr Rukiye beş bin beş yüz akçeye ve bir mikdârını hâlâ dört bin dört yüz akçeye cem‘an dokuz bin dokuz yüz akçeye bey‘ edip teslîm-i mebî‘ ve kabz-ı semen kıldı keyfe mâ yeşâ mutasarrıf olsun dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Hacı Abdurrahman [b.] Ali, Süleyman b. Hızır, İbrahim b. Hacı Hamza, Ahmed Çelebi b. Budak ve gayruhüm