Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 398 Hüküm no: 713 Orijinal metin no: [67b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gerede Mescid Vakfı’na ait dükkanın kiraya verilmesi Budur ki Mahrûse-i Üsküdar’da Gerede Mescid’i evkāfına bi’l-fi‘l mütevellî olan Hasan b. Habîb mahfil-i kazâda bâ‘isü’l-harâm [hurûf] Behrâm b. Abdullah mahzarında takrîr-i kelâm edip evkāf-ı mezbûreden Gülfem Köprüsü demekle ma‘rûf köprü kurbunda vâki‘ bir tarafı dere ve bir tarafı Hacı Mustafa vakıf eylediği dükkân ile ve bir tarafı mezârlık ve bir tarafı tarîk-i âm ile mahdûd ve mümtâz olan bir bâb dükkân yanıp tekrâr binâya vakfın müsâ‘adesi olmamağın mezbûr Behrâm zikr olunan dükkânı binâ edip sarf eylediği akçeden bin akçesin vakıf için icâre-i mu‘accele olmak üzre ayda kırk akçe icâreye verdim zikr olunan dükkânı binâ edip mâh be-mâh vakıf için ta‘yîn olunan kırk akçe icâreyi edâ ettikden sonra tasarrufuna kimesne mâni‘ olmaya dedikde mukırr-ı mezbûrun vech-i meşrûh üzre vâki‘ olan ikrârını mezbûr Behrâm vicâhen ve şifâhen tasdîk ettikde mâ vaka‘a bi’t-taleb tahrîr olundu. Şuhûdü’l-hâl: Ali Halîfe b. Mahmud el-imâm, Ali b. Mustafa, Ahmed Halîfe b. Mustafa el-imâm, İsa Bâli b. Hasan ve gayruhüm