Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 400 Hüküm no: 718 Orijinal metin no: [68a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Keyvan b. Abdullah’ın, sağlığında Musa b. Hacı’yı vasî tayin ettiği Musa b. Hacı mahfil-i kazâda mahrûse-i Üsküdar’da Çavuş mahallesi sâkinlerinden olup fevt olan Keyvan b. Abdullah nâm kimesnenin zevcesi Râziye bt. Mustafa mahzarında takrîr-i da‘vâ kılıp müteveffâ-yı mezbûr hâl-i hayâtında ve kemâl-i sıhhatinde beni vasîyy-i muhtâr nasb edip üzerime kendi mâlımdan iki bin akçe sarf eyle dedi şer‘le taleb eylerim dedikde gıbbe’s-suâl ve akībe’l-inkâr müdde‘î-i mezbûr da‘vâsına muvâfık beyyine taleb olundukda udûl-i müslimînden Ahmed Bey b. Kasım er-râcil ve Yahya Bey b. Mehmed el-Hamzavî mahfil-i şer‘de fi’l-hakīka müteveffâ-yı mezbûr hâl-i hayâtında mezbûr Musa’yı vasîyy-i muhtâr edip üzerime kendi mâlından iki bin akçe sarf eyle dedi biz bu husûsa şâhidleriz şehâdet dahi ederiz dediklerinde şâhidân-ı mezbûrânın şehâdetleri hayyiz-i kabûlde vâki‘ oldukdan sonra mâ vaka‘a bi’t-taleb kayd şud. Şuhûdü’l-hâl: Abdülcelîl [b.] Said, Ali b. Yusuf, Mehmed b. Behrâm, Rıdvan b. Abdullah ve gayruhüm