Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 258 Hüküm no: 243 Orijinal metin no: [52a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bürüncek bükücü esnafı zimmîlerinin izinleri Bürüncek bükücü hırfetinin zimmîlerinden Kiragos v. Kirkor ve Leyorak v. Mihail ve Bağdasar v. Toros ve Kirkor v. Sahak ve Haçator v. Asvador ve Amyon v. Penayot ve Ağya v. Dunik ve Sarabiyon v. İsayi ve Apostol v. Praşkeva ve Lefter v. Yani ve Karabet v. Delot ve Manuk v. Oksaki? ve Yorgi v. Yorgaki ve Agop v. Kirkor ve Azriye v. Haçador ve Bogos v. Vartan ve Sufra v. Yani ve Anton v. Artin ve Kogaz v. Vartan ve Yorgi v. Lefter ve Serkiz v. Avanis ve Lefter v. Vasil ve Artin v. Kogaz ve Şehmantır? v. Kiragos ve Rum tâifesinin yiğitbaşıları Lefter v. Vasil ve Ermeni tâifesinin yiğitbaşıları Vartan [v.] Asvador ve sâirleri meclis-i şer‘-i şerîfde kethüdâları Mustafa Çelebi b. Fazlı mahzarında her biri takrîr-i kelâm ve bast-ı merâm edip şâkirdlerimiz pîr-perver ve başka [52b] çıkmak ( ) iktizâ ettikde hırfetimiz erbâbı Müslimîn ile ma‘an teferrüc eylediğimizde her birimize te‘addî ve gadr ve beynimize nizâ‘-ı küllî cereyân etmeğin bundan akdem lede’ş-şer‘i’l-enver da‘vâ ve teşekkî eylediğimizde ehl-i zimmet başka teferrüc etmek üzere kıbel-i şer‘den i‘lâm-birle yedimize emr-i âlî ihsân olunmağın ba‘de’n-nazar kethüdâmız mezbûr Mustafa Çelebi istintak olunup ber-vech-i muharrer bize izin verilmek matlûbumuzdur deyü tuğra-yı garrâ-yı sultânî ile mahalli ibrâz eyledikleri emr-i âlî kethüdâları mezbûr muvâcehesinde feth ve kırâet olundukda mazmûnu min-külli’l-vücûh takrîrlerine muvâfık ve mazmûnu mezbûr Kethüdâ Mustafa Çelebi ba‘de’l-ikrâr ber-mûceb-i emr-i âlî başka teferrüc etmek üzere mezbûrûn zimmîlere izin vermeğin mâ-vaka‘a bi’t-taleb ketb olundu. Fî 20 Cumâdelâhire sene [1]143. Şuhûdü’l-hâl: Mehmed Ağa b. Mehmed, Mehmed Çelebi b. Abdullah, İbrahim Çelebi b. Mustafa, Ya‘kub b. Abdullah, Duhânî Mehmed Çelebi b. Ahmed, Mustafa b. el-Hâc Ahmed, Molla Ali b. Mahmud, Abdullah b. Mustafa.