Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 455 Hüküm no: 848 Orijinal metin no: [81a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yani’den kızı Marula’ya ev kaldığı Mahrûse-i Üsküdar muzâfâtından Kartal nâm karye sâkinlerinden olup bundan akdem mürd olan Yani nâm zimmînin oğlu Maskalari nâm zimmî mahfil-i kazâda mürd-i mezbûrun kızı Marula tarafından vekîl olup vekâleti nehc-i şer‘î üzre sâbite olan zevci Kostantin v. Dimitri ve diğer kız karındaşı Todora tarafından vekîl olup vekâleti nehc-i şer‘î üzre sâbite olan zevci Dimitri v. Yorgi nâm zimmîler mahzarlarında takrîr-i kelâm ve ta‘bîr-i merâm edip babamdan bana irs-i şer‘le intikāl eden evden ve sâir emlâkdan hisse taleb eylediğimde muslihûn tavassut edip karye-i mezbûrede vâki‘ bir tarafı Matyoz ve bir tarafı Vasilako ve bir tarafı Papa Trandafilo mülkleriyle ve tarîk-i âmla mahdûd olan evi bana verip ibrâ’ ve ıslâh edip ben dahi babamdan bana irs-i şer‘le intikāl eden hisse husûsunda ba‘de’l-yevm benden veya vekîlimden da‘vâ sâdıra olursa lede’l-hükkâm istimâ‘ olunmaya gıbbe’t-tasdîk kayd olundu. Şuhûdü’l-hâl: Mehmed [b.] Behrâm, Hüseyin [b.] Behrâm, Hasan [b.] Sâdık, Müstecâb [b.] Mustafa