Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 481 Hüküm no: 908 Orijinal metin no: [87a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasnâ bt. Abdullah’ın ölen oğlundan kendi hissesine düşeni dava ve kabza vekil tayin ettiği Murad Halîfe’yi azl edip yerine Mehmed b. Karagöz’ü vekil ve Ahmed b. Şeyh Mehmed’i de nâzır tayin ettiği Oldur ki Udûl ve sikātdan Şeyh Mehmed ve Ferhad b. Abdullah nâm kimesneler hasm-ı şer‘î mahzarında edâ-yı şehâde[t]-i şer‘iyye edip Hasnâ bt. Abdullah nâm hâtun bundan akdem vefât eden oğlu Hüsrev’den kendiye âid ve râci‘ olan hisse-i şer‘iyyesinde da‘vâ ve kabz ve îsâle el-Hâc Murad Halîfe b. Abdülmennân nâm kimesneyi vekîl nasb eylemiş idi hâlâ mezbûre Hasnâ, Murad Halîfe’yi vekâlet-i merkūmeden azl edip bâ‘isü’l-kitâb Mehmed b. Karagöz nâm kimesneyi husûs-ı merkūma vekîl ve Ahmed b. Şeyh Mehmed’i nâzır nasb eyledim dediklerinde mezbûrân Mehmed ve Ahmed vekâlet ve nezâreti kabûl edip hizmet-i lâzımelerini uhdelerine aldıkları mâ vaka‘a kayd olundu. Şuhûdü’l-hâl: El-Hâc Hüseyin [b.] Mustafa, Hasan [b.] Sâdık, Mehmed b. Behrâm, Şaban b. Kasım