Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 528 Hüküm no: 1031 Orijinal metin no: [98a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul, Eyüp ve Galata’daki çakırcıların devlete ait müjde bahâları tahsiline dışarıdan kimsenin karışmaması Vech-i tahrîr-i hurûf oldur ki Mahmiye-i İstanbul ve Eyüb-ı Ensârî ve Galata kadılıklarında bulunan çakırcı zimmîlerin mîrîye âid olan müjde bahâsından olan hukūk ve rüsûmların âdet ve kānûn üzre müjde bahâ ve resm-i arûsâne ve yava harâcı ve beytülmâl ve bâd-ı hevâ ve cürm-ı cinâyet ve sâir mîrîye âid olan hukûk ve rüsûmların âdet ve kānûn üzre mîrî için zabt ve kabz edip bu cânibe getirmek için çakırcılardan elinde edâ-yı hizmet-i mezkûresi olmayan dahi çakırcıların âdet ve kānûn üzere müjde bahâ ve resm-i arûsâne ve yava harâcı ve beytülmâl ve bâd-ı hevâ ve cürm-ı cinâyet ve sâir mîrîye âid ve râci‘ olan hukūk ve rüsûmların mîrî için zabt ve kabz edip ve bir cânibe getiren yavacı tâifesi ve umenâ ve ummâl ve sâirden kimesne bî-vech dahl ve ta‘arruz etmeyip zabt u kabza mâni‘ olmayalar. Tahrîren fî evâili Muharremi’l-harâm sene ( ). Bende-i İbrahim Çavuş an çavuşân-ı Dergâh-ı âlî