Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 289 Hüküm no: 280 Orijinal metin no: [61a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahûdi Mosi v. İsak’tan borç alan Mustafa Ağa b. Mehmed Ağa’nın borcunu tamamen ödediği Temessük zâyi‘i, Yahûdi yedinden deyn edâ hücceti. Vilâyet-i Rumeli’ne medîne-i Yenişehr-i Fener’de Yahûdi mahalle[si] ahâlîsinden olup mahrûse-i Galata kazâsına tâbi‘ Ortaköy’de müsâfiren sâkin tüccâr tâifesinden Mosi v. İsak nâm Yahûdi meclis-i şer‘-i şerîfde sadrâzam-ı bedr efham sa‘âdetlü semâhatlü Mehmed Paşa -yesserallâhu fi’d-dâreyn mâ-yetemennâhu ve mâ-teşâ- hazretleri ağalarından umdetü’l-eşbâh bâ‘isü hâze’l-kitâb Mustafa Ağa b. Mehmed Ağa mahzarında ikrâr ve takrîr-i kelâm edip bundan akdem mâlımdan ber-mûceb-i temessük mûmâ-ileyh Mustafa Ağa’ya beş yüz elli guruş ifrâz ve teslîm ol dahi yedimden iktirâz ve tesellüm ve istihlâk eylediğinden sonra mûmâ-ileyh Mustafa Ağa meblağ-ı mezbûr beş yüz elli guruşu tamamen bana edâ ve teslîm ben dahi ber-vech-i muharrer yedinden ahz u kabz edip zikrolunan temessük yedimde zâyi‘ olmağın fîmâ-ba‘d zuhûr ederse mazmûnu ile amel olunmayıp ve zikrolunan temessükde yazıcım olup zikrolunan Ortaköy sâkinlerinden Levi nâm Yahûdi mûmâ-ileyh Mustafa Ağa’dan meblağ-ı mezkûra müte‘allika nesne taleb ve da‘vâ ve ahz u kabz ederse me’hûzuna ben zâmin ve kefîlim dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâbi‘ min-Recebi’l-ferd li-sene selâse ve erba‘în ve mi’e ve elf. Şuhûdü’l-hâl: Ahmed Ağa b. Mehmed, Süleyman Çelebi b. Ahmed, Ahmed Ağa tâbi‘-i Âmedî, es-Seyyid Mehmed Efendi b. es-Seyyid el-Hâc Hasan, Ali Bey b. Mahmud, Ahmed b. Mehmed,