Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 204 Hüküm no: 216 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zincirlikuyu Vakfı Mütevelliği’ne Molla Osman’ın mütevelli olduğu Medîne-i Üsküdar’da Zincirlikuyu Vakfı’nın yevmî iki akçe vazîfe ile mütevellîsi Berber Ali Çelebi b. Hüseyin nâm kimesne meclis-i şer‘-i şerîf-i enverde işbu râfi‘ü’l-vesîka Molla Osman b. Mehmed nâm kimesne mahzarında ikrâr ve takrîr-i kelâm edip tevliyet-i merkūme umûrunu rü’yete iktidârım olmayıp ihtiyâr ve alîl olduğum ecilden tevliyet-i merkūmeden kasr-ı yed ve ahâlî-i sûkun muhtârları olan mezbûr Molla Osman’a tevliyet-i merkūmeyi ferâğ ve tefvîz eylediğimde ol dahi tevliyet-i merkūmeyi ber-vech-i muharrer kabûl ve merâsimini kemâ-yenbağī edâya ta‘ahhüd ve iltizâm eyledi dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî aşer min-şehri Rebî‘i’l-evvel li-seneti ihdâ ve hamsîn ve mi’ete ve elf. Şuhûdü’l-hâl: el-Hâc Osman b. Mehmed, el-Hâc İbrahim b. Mehmed, es-Seyyid Ömer Çelebi b. es-Seyyid Mehmed, Salih Çelebi b. Ahmed, es-Seyyid İbrahim b. Halil, Ahmed Efendi b. Süleyman, İsmail b. Receb, Ahmed Beşe b. Hüseyin