Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 206 Hüküm no: 221 Orijinal metin no: [62b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un eşi Hasan Beşe’den muhâlaa yoluyla boşandığı Medîne-i Üsküdar’da Aşçıbaşı mahallesi sâkinelerinden olup zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Âişe bt. Abdullah nâm hatun meclis-i şer‘-i şerîf-i enverde zevc-i muhâli‘i işbu râfi‘ü’l-vesîka Hasan Beşe b. Ahmed nâm kimesne mahzarında ikrâr ve takrîr-i kelâm edip mezbûr Hasan Beşe zevcim olup beynimizde hüsn-i zindegânemiz olmayıp ben hul‘a tâlibe olduğum ecilden mezbûrun zimmetinde mütekarrir ve ma‘kūdün-aleyh olan bin akçe mehr-i müeccelimden fâriğa olup ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile muhâla‘a olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete müte‘allıka âmme-i de‘âvî ve kâffe-i mutâlebâtdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ aşer min-Rebî‘i’l-evvel li-seneti ihdâ ve hamsîn ve mi’ete ve elf. Şuhûdü’l-hâl: Veli Bey b. Mehmed, es-Seyyid Süleyman b. Mehmed, Hasan Bey b. Ramazan, el-Hâc Hanefi b. Ali, Mehmed Bey b. Ahmed, İsa Beşe b. Musa.