Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 228 Hüküm no: 253 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıp olan Mıgırdıç’ın dükkânındaki eşyaların listesi Medîne-i Üsküdar’da Dârüssa‘âde Ağa Çeşmesi kurbünde Korucubaşı kızı Emine Hatun dükkânında attâr olup iki aydan beri firâr ve gaybet edip hayâtı ve memâtı ma‘lûm olmayıp dükkânı kapalı kalıp mefkūd olan Mıgırdıç v. Bedros zimmînin dükkân-ı merkūmda mevcûd olan eşyâsını ahz u hıfza kıbel-i şer‘den bir vasî [ve] kayyım nasb u ta‘yîn olunmak lâzım olmağın gāib-i mezbûrun kaynanası olup vesâyet uhdesinden gelmeğe kādir idiği zeyl-i defterde isimleri mastûr attârlar kethüdâsı ve sâir Müslimîn ihbârlarıyla lede’ş-şer‘i’l-enver zâhir olan Marta bt. Vilek? Nasrâniye vasî ve kayyım nasb u ta‘yîn olundukda ol dahi vesâyet-i merkūmeyi kabûl ve dükkân-ı merkūm ber-mûceb-i fermân-ı âlî feth ve içinde mevcûd olan eşyâsı tahrîr ve vasiye-i mezbûreye teslîm olunan eşyâsı defteridir ki ber-vech-i âtî zikr olunur. Hurrire fî-gurreti Rebî‘i’l-âhir li-seneti ihdâ ve hamsîn ve mi’ete ve elf. Horasânî 8 akçe Frenk mumu 8 akçe Çörek otu 7 akçe İsfidac ve kişniş ve kükürd, kenevir 26 akçe Sinameki ma‘a hardal 19 akçe Sakız 15 akçe Nebât şekeri 17 akçe Çivid ma‘a dâr-ı fülfül 14 akçe Gelincik çiçeği 8 akçe Kâğıd-ı hindî 16 akçe Sevik 14 akçe Çakmak ma‘a boncuk 35 akçe Kenevir 15 akçe Lüle kapağı 20 ser 5 akçe Dolu fişek 80 akçe Zencefil 18 akçe Lüle 110 akçe Kahve kaşığı 48 akçe Eczâ kutuları 130 akçe Tereği yağı 95 akçe Uçkur ve şeridler 250 akçe Körük ve ağaç kavı 37 akçe Tire minder ve muşamma 30 akçe Çubuk keseleri 20 akçe Ser ve çubuk keseleri 47 akçe Terâzi ve zenbil 130 akçe Kıyılmış duhân 6 kıyye fî 30 180 akçe Kırcaali duhânı 5 kıyye fî 30 Basma duhânı 37 kıyye fî 40 Dizi duhânı 49 kıyye fî 45 2205 akçe Hırdavât-ı kürk 120 akçe Hırdavât-ı dükkân 240 akçe Cem‘an yekûn: 5771 akçe Harc-ı defter-i mesârif-i lâzıme 600 akçe Attârlar kethüdâsı ve yiğitbaşıya ücret 300 akçe Meblağayn-ı mezkûreyni vasiye-i mezbûre harc u sarf eylediği bu mahalle şerh verildi. Şuhûdü’l-hâl: Attâr Kethüdâsı Mustafa Çelebi, Yazıcı Mehmed Çelebi b. İbrahim, Hasan Ağa b. Abdullah, Abdullah Çelebi b. Abdullah, İsmail Çelebi b. Hüseyin.