Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 230 Hüküm no: 255 Orijinal metin no: [66b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf Beşe’nin bağını İsmail’e sattığı Medîne-i Üsküdar’a muzâfe Adalar nâhiyesine tâbi‘ Viran nâm karye sâkinlerinden Yusuf Beşe b. Abdullah nâm kimesne meclis-i şer‘de işbu râfi‘ü’l-vesîka el-Hâc İsmail b. Mehmed nâm kimesne mahzarında ikrâr ve takrîr-i kelâm edip yedimde mülküm olup karye-i mezbûrede ze‘âmet toprağında vâki‘ bir tarafdan Yılık Hüseyin ve bir tarafdan Köse Salih ve bir tarafdan Bayram oğlu ve bir tarafdan tarîk-i âm ile mahdûd bir kıt‘a kürûmu mülk bağımı elli guruşa deynim mukābelesinde mezbûr el-Hâc İsmail’e rehin vaz‘ ve teslîm eyledikde ol dahi ber-vech-i muharrer irtihân ve tesellüm ve kabz ve kabûl eyledi dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ ve’l-ışrîn min-şehri Rebî‘i’l-âhir li-seneti ihdâ ve hamsîn ve mi’ete ve elf. Şuhûdü’l-hâl: el-Hâc Süleyman Ağa b. Veli, el-Hâc Ali b. Mahmud, el-Hâc Mustafa b. Ahmed, Ahmed Beşe b. Abdi, Abdurrahman b. Mehmed.