Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 235 Hüküm no: 262 Orijinal metin no: [68a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İran’dan gelecek olan iki elçinin tayinatlarının Üsküdar ahalisi tarafından karşılanması Üsküdar kādısı fazîletlü efendi İran cânibinden devlet-medâr-ı hazret-i cihân-dârîye rû-mâlîde eylemek için ba‘s olunan iki nefer sefîrin karîben Üsküdar’a dâhil olacakları muhakkak olmağla imdi Üsküdar’a dâhil olduklarında mihmânları olan Dergâh-ı âlî kapıcıbaşılarından Ebubekir Ağa’nın yedinde olan memhûr ve mümzâ defter mûcebince iktizâ eden iki günlük ta‘yînâtlarını ahâlî tarafından tedârük ve mühimmâtlarını mûmâ-ileyhe teslîm ettirmekde ziyâde tekayyüd ve ihtimâm eyleyesiz hâsılı sefîrân-ı mûmâ-ileyhimânın ta‘yînâtları husûsunda bir türlü zarûret ve muzâyaka tarafına rızâ-i hümâyûn-ı hazret-i şehriyârî olmamağla kemâl-i mertebe tekayyüd ve ihtimâm ile hareket ve ta‘yînâtları husûsunda muzâyakaya bâ‘is olacak keyfiyetden be-gāyet tevakkī ve mücânebet eyleyesiz deyü buyruldu. [Fî] gurrei Rebî‘ülâhir sene 1151