Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 257 Hüküm no: 288 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hırsızlık suçuyla zindana atılan Emine’nin eşyalarının emanet bırakılması İ‘lâmı mûcebince menzil-i merkūmdan ihrâc oluna Ma‘rûz-ı dâ‘î-i devletleridir ki Sâhibe-i arzuhâlin menzilinde müste’cire olup derûn-ı arzuhâlde mastûretü’l-ism olan Emine nâm Arab bundan akdem sirka töhmetiyle vaz‘-ı zindan olunmakla hâlâ menzil-i mezbûr mu‘attal ve hâlî kaldığı sikāt-ı Müslimîn ihbârlarıyla müte‘ayyin oldukdan sonra mezbûre Emine’nin <> menzil-i mezbûrede mevcûde olan eşyâsı ma‘rifet-i şer‘le tahrîr ve bir emîn kimesne yedine vaz‘ ve menzil-i mezbûr tahliye ve mâlikesi olan sâhibe-i arzuhâle teslîm olunmak bâbında fermân-ı âlî recâ eylediği huzûr-ı âlîlerine i‘lâm olundu.