Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 257 Hüküm no: 289 Orijinal metin no: [78a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhzır Sarı Mustafa’ın yerine Osman’ın tayin edildiği İzzet-meâb bâb nâibimiz el-Hâc Mehmed Efendi -dâme muvaffakan- Ba‘de’t-tahiyyeti’l-behiyye inhâ olunur ki Muhzır Sarı Mustafa fevt olup bâbda olan vazîfesi mahlûl olmağla Muhzır Osman mahall ü müstahak olmağın müteveffânın vazîfe-i mahlûlesinden yevmiye dörder akçesi mezbûr Osman’a i‘tâ ve ta‘yîn olunmuşdur gerekdir ki dörder akçe vazîfe-i mu‘ayyenesini beher şehr bâb mahsûlümüzden bi’t-tamâm edâ edesin ve’s-selâm. Fi’l-yevmi’s-sâbi‘ ve’l-ışrîn min-şehri Ramazani’l-mübârek li-seneti hamsîn ve mi’ete ve elf. El-muhlis Himmetzâde Mehmed el-Kādı-i bi-medîneti Üsküdar el-mahmiye Muhzır Osman’a bir akçe dahi zam olunmuşdur. Cem‘an beş akçe eder bâbdan verilmek üzeredir ve’s-selâm. Ayda mâh mâh. Fî-Ramazani’l-mübârek sene 1150