Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 52 Hüküm no: 3 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstavros karyesinde Mehmed’in karısı Rukiye’nin izniyle inşa ettiği bina masraflarının tespit olunduğu Ma‘rûz; Vârid olan fermân-ı âlîlerine imtisâlen taraf-ı şer‘den irsâl olunan Mehmed Emin Efendi dâ‘îleri Mi‘mâr Ağa hulefâsından Şaban Halîfe ve İbrahim Halîfe ve sâir muharrerü’l-esâmî Müslimîn ile arzuhâlde mezkûr İstavros karyesinde birbirine muttasıl iki bâb menzilin üzerine varıp ba‘de akdi’l-meclis sahib-i arzuhâl Mehmed menzileyn-i merkūmeyni üç sene mukaddem arsa-i sırfe üzerine zevcesi hâzıratü bi’l-meclis Rukiye’nin izniyle müceddeden binâ eylediği ahâlî-i karyeden mazbûtü’l-esâmî kimesneler ihbârlarıyla zâhir ve mezbûre Rukiye dahi mu‘terîfe oldukdan sonra mi‘mârân-ı mezbûrân arsadan mâ‘adâ mezbûr Mehmed’in eylediği ebniye-i mevcûdeyi ba‘de’l-misâha aslında enkāz-ı mevcûdesi olan on bir bin yedi yüz on akçeden mâ‘adâ mezbûr Mehmed’in menzileyn-i merkūmeyne bir yük üç bin üç yüz akçe kendi mâlından masrafı olduğu mi‘mârân-ı mezbûrân ihbâr etdiklerini merkūm dâ‘îleri mahâllinde [ketb] ba‘dehû ümenâ-i şer‘le gelip alâ-vukû‘ihâ inhâ ve ihbâr eylediği bi’l-iltimâs huzûr-ı âlîlerine i‘lâm olundu. Fî 25 Rebî‘ülevvel sene [1]154